مفضلاتي للـ الايام اللي فاتت + خلطات مجربة 3>

مرحبآ ,, هآي 3>

يسعد صبآحكم ومسآكم كلن بتوقيته :$~

كان ودي انزل مفضلاتي الشهرية بس بصراحة انا مالتزم بالشيء يعني لو عجبني الشيء اتكي عليه سنين مو مشكلة لما الاقي الافضل اسحب عليه :D

بإختصار وماعندي هرج هاذي هي مفضلاتي بشحمها ولحمها الله يحفظها :$

يآربي محتاره ابدأ من وين =p 

من اليمين 

هذا الشيء من ابو ريالين :D مشتريته حق خلطاتي يعني احفظها فيه وتسسذآ

من باث آند بودي وركس بـ 30 اعتقد اشتريته وقت خصم تكلمت عنه في هاذي التدوينة :$

http://queendi3pink.blogspot.com/2012/10/bath-and-body-works.html

شيء جديد صراحة زمان كنت استخدم نفس هالغسول بس لونه احمر بالتوت البري ومرآآآآ يجنن يناسب كل البشرات ويعطي نعومة رهيبه ومافي احد صراحة استخدمه ومامدحه ريحته لافندر وتوت تجيب العافية < فيس خاق ع الاخر :$

احيان اتهور وافتح العلبه واجلس اشم الريحه > بس لاحد يعلم :D

والحلو فيه يناسب كل الاعمار ومن اشتريت هالنوع سحبت على غسولاتي اولهم حق كلينيك < امر من جنبه اطالعه بنص عين :D

سعره في الاربعينات واخذته من مندوبة 

عصير ليمون كريم ي حياتي بس يجيب لي الروقان بطريقة غير طبيعية واحبببببببببببه بإدمان منذو مبطي < مين باقي يقول هالكلمة =))

شنطة مخليتها لمكياجي بشنطتي حقت الكرف :D تهبل مرآآآآآآآآ ومن شفتها سقط قلبي اتوقعها اتوقعها من الكولكشن الجديد في اتش اند ام ماذكر سعرها من 26 لــ 36 ريال

واللي ئدامها ربطة شعر بـ 5 ريال اشتريتها اول من التخفيض حقهم =) بس اشتريتها وخليتها وفجأة التفت لها

مادري انا احب الاشياء اللي فيها ورود او فراشات خلاص اطيح عندها :$

نجي لــ منتجات بودي شوب

من تخفيضاتهم اخذت هالعطر 3>_3> 
ابخه ع ملابسي بالبيت بريحة الزهررر الجميل اءءءءء بصيح من الخقة مرة حلو 
اسمه lychee blossom 
سعره في الخمسينات 

والازرقاني اللي جنبو مرطب منعش للقدم استخدمته وحبيته كثثثثثثثير
سعره ف الثلاثينات او الاربعينات سبق وسويت ريفيو عنه هنا في تدوينة العنايه بالقدمين

http://queendi3pink.blogspot.com/2012/10/3.html

 مفضلاتي المكياجية 

ماسكارا من بينيفت دايمن وابدن اتكلم عنها اللي ماعنده رموش تخلي عنده رموش غصب :D =))
قيمتها 107 اذا اتذكر روعة مرة وبرجع اشتريها اذا خلصت

ومن ريميل ماسكارا بالثلاثينات كانت عندي اللي مكتوب واو بالاحمر بس ماعاد يجيبون منها وكمان ماسألت ودققت عليها كانت روعه بس هالماسكارا استخدمها صباح حلوة تعطي كثافة وطول طبيعي 

كونتور ميك اب فور ايفر بـ 160 اذا اذكر بعد مادري اشبني صايره انسى =(

 معدوم وحالته حالة بس مافيني انظفة =)) زولة ياخي هههههههههههههههههه


روج من ريميل pink blush  بـ 15 من التخفيضات زمان جدي
لونه جميل بس مو واضح مع الاضاءة 

فرشة استخدمها لحواجبي بـ 5 ريالز من محل مكياج عادي في سوق طيبه :D 

على فكرة هي من جنب مرااااااا نحيفة بس طالعه بالصور عريضة مادري لمازا

مممممم شرايح صابون روعه ما تطلع من شنطتي للزنقات وتسذا احبه وتنظف مرآ من اي صيدلية مادري مو اكثر من 10 ريال ومصنوعة من اشياء طبيعية زيت زيتون ... إلخ مافيني اقوم اجيبها من شنطتي هههههههههههه بس بإذن الله اصورها لكم بتويتر :$

وبكذا خلصت تدوينة اليوم اللي بالقوة سويتها من الكسل والنوم اللي جايني =(

يارب عجبتكم تدوينتي ولاتنسون ادعموني وادعوا لي ويارب يسعدكم دنيآ وآخرة 

هذا آكآونتي بتويتر لاتترددون بأي سؤآل 

https://twitter.com/lL0lL0

طبعن من فترة نصطويلة < افهموها ههههههههههه

قلت لكم راح اكتب لكم خلطاتي وكذا 

اليوم راح اتكلم عن شيء مرآ جميل ومن زماني اسويه 3>_3>

علبة اسكينول بالبابايا + ملعقتين نشأ + قطرات ليمون واستعمليها على يدك وجهك رقبتك ظهرك اي مكان فيه حبوب او تبغين تصفية للبشرة مرآآآآآآآآآآآ روعة 

وبحط صورة في تويتر لهآ وبس

الخلطة الثانية 

ملح الحليب + مقشر سانت ايفز + سدر 

اخلطيهم بكميات متساوية بس كثري من ملح الحليب يعطيك نعومة اطفال لجسمك وصفاوة ومع الاستمرار يبيض 

بللي جسمك اثناء الشاور بمويه دافية بعدين حطيها على جسمك وافركي بالليفة المغربية -_- وادعيلي ع النتيجة الجميلة 

للعلم في خلطاتي صحيح الخلطات نتايجها بطيئة بس انا احب النتائج السريعة يعني ماقدر اصبر اسبوع على بال ماتطلع النتيجة هههههههههههههههههههههههه D: 

وكمآن نصيحة مني لكم وابكتبها اشياء لاتخلونها تطلع من قائمة العنايه بأنفسكم 

ملح الحليب بأنواعه 

اسكينول

نشأ

جلسرين وجليسوليد

الفكس والليمون

الزيوت ( الزيتون - السمسم - جوز الهند - جنين القمح - اللوز حلو ومر )

و و و ...... إلخ 

بأهلككم خلطات وبيتهيأ لي راح يناسب الاغلبيه ليه ؟

اول شيء اشياء طبيعية او اغلب مكوناتها طبيعية والمكونات الاخرى مامنها خوف ومعروفة !

ثاني شيء ماراح اكتب هنا الا الاشياء اللي جربتها انا او احد قرايبي المقربين الاقرب شيء :D او صديقاتي الصدوقات اصدق شيء :$

وبكذا خلصنا .......

بالتوفيق للجميع