عناية انثى ( 1 ) العناية بالشفايف

مرحبا ......
كيفكم ي احسن ناس :$
اليوم اقترحت عليكم في تويتر تدوينات كثيرة اللي هي ( عنايتي اليومية بنفسي عموما - العنايه بالجسم والبشرة اثناء الدورة الشهرية - وش استخدم لشعري - مكياجي )
حبيت واخترت اللي اغلبكم اختاره طبعا انا مو اول وحده اتكلم عن العناية بس يارب اني افيدكم طيب بما اني انسانه اهتم في نفسي كثير كثير كثير واشيائي للعنايه جدا كثيييييييريه ْ~ْ فقررت اني اقسم تدويناتي تحت مسمى عناية انثى واللي راح اتكلم فيها عن كل شبر اعتني فيه بنفسي :d
اول تدوينة اخترتها بسيطة ولأني تحمست ع الموضوع قررت انزله سريع سريع هي العناية بالشفايف كيف اعتني بشفايفي وكيف اخليها جداااااااااا جميلة حتى لوما احط اي شيء عليها *-*
دايمن انزعج من البنات اللي مايهتمون ف انفسهم خصوصا اللي تجيك شفايفها جافة ومتقشرة محسستني انها في مجاعة وماهي ملحقة تهتم في نفسها لييييه كل هذا والله انقهر موت لما اشوف هالمنظر :@ تدرون ليه تتقشر ؟؟ علشان مافيها غدد دهنية وكذا علشان كذا تكون اكثر عرضة للتقشر والجفاف وكمان للتنفس من الفم دور ف الجفاف ما اقولك لاتتنفسين هههههههههه بس اهتمي فيها وشكرن ........

على فكرة لشفايفنا حق علينا يعني زيما نهتم في بشرتنا وشعرنا وهالعلوم لازم كمان 

نهتم في شفايفنا وبعدين ترى العنايه في الشفايف محصورة في اشياء وبسيطة جدا 

( تقشير - ترطيب - شرب المويه والمويه مهمه لجسمنا داخليا وخارجيا - اهتمي بصلاحية الارواج والقلوسات - لاتلحسين شفايفك بلسانك ابد :@ - ولاتنتفين الجلد الميت بيدك راح يطلع دم :@ )

ابتكلم ع التقشير فيه طرق كثيرة للتشقير يا تسوين لك مقشر خاص زي ( اول شيء تحطين كمية 

من الفازلين على شفايفك وبالفرشة الناعمه او حقت الاطفال تمشين عليها بخفه او بقطعة منديلة وبحركه دائريه وبعدين تخلين عليها الفازلين شوي وتمسحينه - او بالسكر - او اذا مرة مروقة سوي خلطة التقشير اللي هي ملعقة شاي عسل ونفس الكمية سكر خشن ونفس الكمية زيت زيتون و شويات ليمون وحطيها بعلبه صغيره من دايسو او سيفورا او ابو ريالين اي شيء عندك :$ ) او انك تستخدمين مقشرات وافضل ماركات مقشرات ( ماك - لاش - كلارنس - ذا بودي شوب - بالم - نيتروجينا ) وياكثر المقشرات وانتو بكيفكم شوفو وش مرتاحين عليه :$ وبعد التقشير غسلي شفايفك بمويه باردة .

فوائد تقشير الشفايف :

- تتخلصين من الجلد الميت 

- نعومه ومايكون فيه سواد 

- تثبيت الروج او القلوس 

وبعدها تحطين مرطب علشان ماتجف الشفايف وياكثر المرطبات بعد فيه ( بيزلين - ذا بودي شوب - BLISTEX - لابيلو - حطي قبل النوم فازلين او زيت زيتون - SEBA MED ... إلخ ) حطو اي شيء ترتاحون عليه 

ملاحظة :

المرطب لازم تنتبهين لتاريخ صلاحيته زي الروج او القلوس عن طريق انه تطلع له ريحه مو زينه وفواحه - وكمان لاتعرضينه للحراره - واذا حسيتي انك لما تحطينه فيه زي التعرق او انه ينزل حوالين شفايفك خلاص ارميه وعموما اغلب المرطبات اللي نشتريها جدا رخيصه فحاولي ماتخلينه عند اكثر من سنه ْ~ْ )

وبالنهايه هاذي الاشياء اللي استخدمها حاليا بما اني في جدة

مقشري سويته بنفسي بخلطة العسل والشلة اللي فوق كان عندي مقشر من لاش بس خلص ولما رحت لفرعهم مالقيته فاستغنيت عنه بمقشري بصنع يديا وحياة عينيا وحاطته في علبه صغيره من دايسو 

ومرطبات لابيلو و بيزلين ومن ذا بودي شوب لابيلو ماستخدمه كثير كان عندي الوان بس في الرياض واخذت معايه هذا الحليو 

زيت زيتون حاطته في علبه صغيره من دايسو :$~ 

فازلين صغييييير مخصصته فقط لشفايفي :$~

بوست سريع وسوري ع التصوير صورت بجوالي 

اهتمو بانفسكم :$~

ولاتنسون تدعموني و شكراً

انا هنا :$

https://twitter.com/xLOTYx