مناكير الخريف والشتاء 2012 , موضة ألوان مناكير الخريف والشتاء 2013

      يسعد ايامكم ♥♥

 التدوينة راح تكون خفيفة بس تكملة لسلسلة تدويناتي الخريفية ,, بوستي الجميل راح يتكلم عن المناكير الخريفية 2012

اول شيء راح اتكلم عن الاظافر بشكل عام
 نصيحه اهتمي في جمالها مو بس تهتمين بيدك وخلاص لا الاظافر لها دور ايجابي في تحسين المنظر صراحه اطالع في ايدي بعض البنات يمين بالله احزن :"( ليه كذا بس مافي اهتمام ....
ابقول شيء و باختصار مفيد :
طريقتين علشان تهتمين في اظافرك ~
1 - اكلك :
مو لازم كل اكلك يكون فاست فود او شيء مو صحي لا حبيبتي لازم تاكلين اكل فيه حديد و فيتامينات و زنك و كالسيوم وهالشيء راح تلاقينه في ( الحليب - السمك - الملفوف - اللوز - العصاير الحمضية زي البرتقال والليمون - الجوز - المأكولات البحرية - الخضروات الورقية والبقوليات - اللحوم الحمراء ) مو بس لأظافرك كمان لجسمك ولصحتك وعلى فكرة دايم ماما الله يحفظها تأكلني انا وكل العايلة الكريمه من هالاشياء اللي ذكرتها فوووق كنت اقول خلاص كااااااااااااافي خصوصا من الخس والجرجير ما احبهم كثير الحمدلله ع النعمة ويارب لك الحمد مرات اكون مسافرة وما اهتم لهم واحس نفسي مادري كيف مو صحيه ْ~ْ ......

2- العناية الخارجية فيهم :
عن طريق خلطات او كريمات مضمووونه مو بس دعايات .
وبالنسبه للعنايه راح انزل لكم تجربتي مع كريمات و خلطات تهببببببل .

ثاني شيء ابتكلم عنه :
كيف تخلين لون اظافرك يدوم فتره اطول ~
ابدأي اول شيء بالقاعدة : اللي هي base coat هي قاعدة شفافة وتمسك اللون بقوة *-* ويخلي اللون اكثر قوة .
ثاني شيء : انتظري شوي بعدين حطي فوقه اللون اللي تبغينه .
ثالث شيء : انتظري كمان شوي وحطي top coat وهو كمان شفاف تخلي المناكير مايتقشر وكذا .
ممكن تطولين اكثر من وقتك المعتاد في وضع المناكير بس هاذي طريقة كويسه للي تبغى مناكيرها تطول .


شكل الاظافر اللي دارج بالخريف :
يقولون المربع بس انا مايصلح لي ْ~ْ ولا احب الاظافر المربعه فماراح اتطرق لهذا الموضوع .


المناكير الدارجة :

     الاحمر - الازرق الغامق - الارجواني - الاخضر الطحلبي او الاخضر اليشمي - الالوان المعدنية - البيج الرملي النيود - البنفسجي اللي مايل ع رمادي - البيج المائل للوردي - الرمادي - الاومبري - العودي الغامق - الميتالك - الفرنش - 


هنآ راح احط صور كولكشنات مناكير للخريف والشتاء وعلى فكرة مو لازم انكم تشترون نفس الماركة لا فيكم تشترون شيء اوووو اذا عندكم من قبل ماله داعي تشترون يعني :P وفروها لشيء ثاني هع 

وبس :$ اتمنى ماطولت عليكم ....
وعلى فكرة راح انزل تدوينتي الخريفية الخاصة وش ابسوي ووش مابسوي ومن ضمنها المناكير المستخدمه وراح اعرض لكم كل حااااقه :Pp ......