السلام عليكم ورحمة الله وبركاته
هالتدوينة كنت ابسويها فيديو بس للاسف كامي مادري ايش فيه من مشكله
يلا ان شاء الله خيرة ......حبيت اوريكم الاشياء الكثيرة اللي انا سبق واستخدمتها وفيه اشياء رجعت اشتريها لأن بجد حبيتها وماقدرت استغنى عنها ,, فقررت اني اسوي سلسلة تدوينات راح اسميها Pink Girl Products واللي راح اعرض فيها 50 منتج سبق تجربته راح اقسمها على خمس تدوينات ,, كل تدوينه راح تضم 10 منتجات مجربة سواء حبيتها او لا ...
طيب هالاشياء هي اول عشرة اخترتها علشان اوريكم هي وانقل لكم تجربتي
1 - حبوب هيردال لصحة الشعر ..
طبعا من جيت للرياض وانا شعري يطيح مادري وش السالفه مع اني اهتم فيه لابعد درجة والله انه كان يتساقط بشكل ما تتصورونه لدرجة كل شوي اطالع للمرايه اشوف كم باقي شعره O_o وقتها بغيت انجلط وقمت ادور وابحث ومدري وش اسوي لما بمرة كنت اتفرج التي في ولقيت الدكتور جابر القحطاني يمدح في حبوب هيردال طبعا هالدكتور مو اول مرة امشي على شيء وصفه للناس ومايضبط معاي ماشاء الله عليه كل نصايحه في محلها المهم وثقت فيه من سابق تجربة واشتريتها سبحاااااااااااان الله اول حبوب تجيب معاي نتيجة في فترة جداً قصيرة انا بس اخذها حبه باليوم وبعد الاكل فحبيتها ومازلت استخدمها ماتضر ولا شيء لأن كلها فيتامينات وحديد وكذا .
الحمدلله يارب هالحبوب مستحيل اتركها الا اذا قطعوها ههههههههههههههه ما باليد حيلة :(
من اي صيدلية بــ 120 ريال
2 - بخاخ جسم PLUMERIA
يومن اغبر اللي شريته فيه دخلت الا وهذاك اللبناني طلع هالمنتج للسماء جالس يتمدح فيه لما قلت بسسس *-*
دخلت انا واختي وكالعاده قلت اشوف وش عندهم طبعا هالشيء له ست شهور ومابعد خلص وشكلي ابرميه بس مشكلتي ما ارمي شيء لازم لاخر قطره استفيد منه لاني دافعه فيه فلوس هههههههههههه :$
الموهم حاط لي شيء يركزه طبعا اللي يروحون نكتار كثير يعرفون هالريحه بالفراولة مررررة مركزه ومافيها اي نعومه وتدوخ الراس ومملة ابخ منها بخه وحده وتحوم كبدي فما استعملتها خليتها منظر لين يفرجها ربي هههههههههه
وتوبه ما اخذ من نكتار ابد وياخساره كل ريال دفعته فيه :(
من نكتار بــ 150 ريال :(
3 - غسول لليد coconut & almond
صراحة اخذت منه اثنين ومو بس انا استخدمته ماشاء الله العايلة كلها اشتريته كان عليه تخفيض كانو حاطينه في جهه ومكتوب ب 5 ريال شميت ريحته تهبببببببببل وانا شخصيا احب ريحة جوز الهند واللوز بس اللي تكون خفيفة وحلوة كذا مو ريحة خياس
هالغسول مررررة روعة ويرطب يرطب يرطب بشكل ماتتصورونه تحسين بنعومه كمان في يدك روعة تندمت اني ماخذت منه عشره ههههههههههه هاذي العلبه الثانيه اللي تملكتها لحالي بعد ماخلصت العلبه الاولى ع العايلة لووووووووول ريحته نظافة وانتعاش ونعومه وترطيب انصحكم فيه خصوصا اننا مقبلين على برد و جفاف الرياض مايرحم احد ونحتاج لترطيب مضاعف فانصحكم فيه ياعسولين اتوقع فيه روائح ثانيه بس هذا النوع اللي كان عليه تخفيض ..
من بوتس بــ 5 ريال قبل التخفيض ومادري بكم بعده بس اذا قرب يخلص ابروح اشتري غيره :$~
4 - اقنعه من بيزلين
اول قناع هو قناع 9 زيوت للشعر التالف شعري من النوع الفجائي المزاجي اللي احس نفسي افسخه وارميه ْ~ْ واقطع ام العلاقه اللي بيننا مرة يقهر فجأة اطرافه يجي متنتف فاستخدم له هذا القناع الرهيب فيه تسع زيوت هي : الزيتون , البركة , الخروع , الجزر , القمح , اللوز , الخزامى , الحنة , كبش القرنفل ولاحد يسألني وش كبش القرنفل بليز بدون احراج هههههههههههههههههههههه هو قناع مغذي وينعم بشكل حلوو ويعطي حيويه للشعر وحمايه تحطينه على شعرك قبل الحمام وتغطينه اقل شيء نص ساعه ثم تتروشين ...
بيزلين صراحه احبها ومنتجاتها موثوقه مرة من المفضله عندي فانصحكم تجربونه هو كمان .
ثاني قناع هو BLACK HEAD MASK من اسمه للرؤوس السوداء اللي بالوجهه ينظف المسام ويشيل الدهون اللي مرة تقرفني خصوصا في التي زون بما ان بشرتي دهنية مختلطة احبه كثير تحطينه على وجهك لما يجف وبعدين تقشرينه ثم تغسلين وجهك الجميل بالمويه الدافية واستمتعي بنظافة الوجه .
من بوتس بــ 8 ريال القناع الواحد وتلاقينه بكل الهايبر ماركتس و الصيدليات اللي تبيع منتجات بيزلين .
5 - حافظة بطائق ..
انا من النوع اللي بطايقي كثثثثثثثثثيرة وحتى هالحافظة ماكفتهم كلهم بس حطيت فيها الموهم اللي استخدمه بشكل كبير طبعا كثير مننا يحطون بطايقهم في البوك بس احس بزحمه خصوصا زيما قلت لكم بطايقي كثير حبيت هالحافظة وفيه منها الوان جميلة فيروزي و ذهبي وهاذي الفوشيا ولون ثاني ناسيته من بعدها الحمدلله اي شيء ابغاه من بطايقي اوصل له بسهوووولة فظيعة ..
من اكسسواريز بــ 19 ريال ...
6 - مزيل مكياج ( 9to5 )
له له يا لاش ماكان العشم فيك تسذا وش هالهباب اللي سويته :@ هو عبارة عن منتج كريمي يقولون انه يزيل المكياج والاوساخ ومادري وش صراحه لايزيل ولا خرطي لازم اعيد كذا مرة وعلى بال ماعيد الا خلص المنتج الحسنه الوحيده اللي استفدتها منه ترطيب فاستغنيت عنه كمنتج تنظيف وخليته فقط للترطيب هو يقول حطي منه وخليه شوي بعدين امسحي والله اني خليته يفحط بوجهي ومتربع بوجهي والله ماسوى ولاااااااااااااااا شيء غير انه نعم بشرتي ورطبها وبس فقلت لكم استغنيت عنه كمنظف وخليته مرطب فقط بما اني ما ارمي شيء انا :D
من لاش بــ 45 ريال ( المملكة و الفيصلية )
7 - زي فكرة حافظة البطايق بس هاذي للمناديل ..
هاذي ماما الله يحفظها لي ويحفظ لكم امهاتكم جابتها لي من نيو لوك بس مادري بكم ...
حبيتها كذا خلتني اوفر كثير وجداً عملية ممكن تلاقون زيها بمحلات ثانيه الله اعلم شكلها كيووووت وناسبتني كثير واكرفها كرف ولا صار فيها شيء لووووووووووووول الله يخليها لي ويطول لي بعمرها يارب هههههههههههههههههه
من نيو لوك بـــ مدري خخخخخخخ
8 - المنتقل الى رحمه الله كريم لليد من جونسن ههههههههههه
فضيحه شكله مكروف ومفحطن فيه بس الشكوى لله هذا قدره المهم هذا الكريم جداً خفيف مايطول ع اليد استخدمه فقط في الصباح وماحس يرطب مادري كيف اقولكم انا ماحب احط شيء عطري على يدي في الصباح علشان الشمس وكذا فاخترت هذا الشيء بس ترى كل شوي ارجع احط منه لأنه مو ثابت ..
الله حق ماراح اشتري منه مرة ثانيه لأنه خرطي هو الاخر جونسن تحوم تسبدي منها :s ما اثق فيهم كثير للامانه ..
من صيدلية النهدي بــ مدري بس مايزيد عن 15 ريال *-*
9 - شاور جل THERAPY
مدري اسمه كذا ولا لا هههههههه :$ الموهم شوفو صورته وكذا هذا الشاور جل حبيته اكثر من حقت باث اند بودي ووركس ريحته تجنن قوية وثابته نوعا ما على فل تقريبا ( بس اكيد ماراح نكتفي بريحته وراح نحط الميست والعطر ) ويرطب ترطيب يهبببل ويحتوي ع زيت الجوجوبا حبيته كثير وعندي منه 3 لأن كان عندهم عرض اشتري 3 بسعر 2
هاذي 3 علبه استخدمتها *-*
من بوتس بــ مادري بكم ماخذتها وقت خصم *-*
10 - بودي ميست
CANDY BABY تهبل تهبل تهبل ريحتها مررررررة كيوتيه استخدامي له ليلي فيه ريحة فانيليا تهبل مادري كيف اوصفها حبيتها وكل اللي يشمونها حبوهااا
PLUM DROP استخدامي له صباحي ريحته ع صابونه ع فواكه خفيفة مادري كيف جايه بس ابصم بالعشرة ((---- مين باقي يقول هالكلمه ههههههههههههه الموهم راح تعجبكم :$
من فيكتوريا سيكريت بــ 30 ريال الحبه اتوقع عليها خصم :$~
وبكذا نقلت لكم تجربة العشرة الاولى من Pink Girl Products واتمنى لكم التوفيق ....
ملاحظتي الصغيرة :
اعتذر عن التصوير السيء والمغبر ,,, اللي عرضته من ذوقي ووفق تجربتي مادري الناس اذواق فممكن مايعجبكم بس اتمنى انه يعجبكم ههههههههههههههههه ..........
لاتنسون تدعموني بــ ريتويت و زورو اكاونتي في التويتر واعملو فولو جميل ^_^ هالشيء يسعدني يارب يسعدكم 3>3>
ربي يحفظكم حبايبي
يعطيكي العافية عالتدوينة مررة حلوة ومفيدة
ردحذفنستنى الباقي...
الله يعافيك تسلمممين
حذفان شاء الله
حلوه اشيائك مره ...بس غريبه الحبوبه بميه وعشرين انا شاريتها ب ٧٧ ؟
ردحذفننتظر البقيه
تسلمممين وجودك الاحلى
حذفاما ههههههههههههه شكله انضحك علي ْ~ْ
استخدمت زيت الشعر حق بيزلين ليومك ذا ماراح ايش اسوي غسلتو الف مره ومافاد ����
ردحذف