مشترياتي من باث اند بودي ووركس bath and body works

بآآك ومعآنآ آليوم آحلى محل بحياتي شفته << شغل المذيعات بطلوه :Pp

على فكرة وقبل كل شيء ترى ماعرف اشرح زين يعني ماعرف مدري بس ماعرف يعني اوصل لكم اللي في قلبي

الصغير ,, الموهم وانا اتمشى بالمملكة الا وتنقز عيوني على باث اند بودي ووركس والقط هاليافطات الصفراء اللي من لمحتها دق قلبي وارككككككككككض ركض :D ولا حسيت بالناس حولي o_O

دخلت وابغى القط من هذا وذاك الا ويجي الرجال ويقول ترى مو كلها عليها تخفيضات بس اللي تحت اللوحات مكتوب

طبعا فيه بعضها مكتوب 3,5 ريال وفيه 25 واقل وفيه 30 ريال واقل وفيه 65 ريال واقل وفيه 8 ريال واقل ويارب ماكون ناسيه

جلست افرفر صراحه لو جلست فيه صحيح روايحه حلوه بس احس يصدع راسي من كثر الروايح ورى بعض طبعا ابقول لكم شيء كثيرة عندهم الروايح ومو كلها اللي عليها تخفيضات وحلوة بس زيما كل مرة اقول في كل بوست الناس اذوآآآآآآآق ^.^

طبعا رحت لهم يوم الاحد الموافق 14 - 11 - 1433 هـ

فسألته متى راح يخلص العرض قال لي باقي يمكن 11 يوم طبعا سؤآلي لأني كنت ناويه اخبر حبايب قلبي وصديقاتي وانتووو طبعا ^_*

فزيما قلت اول اللي تبغى تروح هاليومين علشان لايخلص العرض ويفوتكم اشياء تقدرون تشترونها بقيمة اوووفر بكثير وراح تشوفون معايه الاسعار 

شوفو الصورة الجميلة تحت 

نيآهآهآ هآ وهآذي آلآشياء الجميلة اللي اشتريها ^^

نبدى من وين نبدى من وين ْ~ْ

آآآآآآآآآآمممممم

بتكلم عشوائي :Pp

                         ♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

اول شيء اللي على اليمين هذا الجميل

عطر black amethyst كان من ضمن ثلاث انواع واخترته حسيت فيه ريحة نظافة على ريحه اقدر استخدمها يوميا بدون ملل عرفتو الريحة اللي يشمونها فيك الناس وانتي ماتشمينها هذا هو العطر وثابت وجميل عجبني وراح استغل التخفيضات واشتري الشكل الثاني الشبيه له :$ سعره كان 130 ريال وبعد التخفيض 65 ريال والله يابلاش ياحبي لهالمحلات الكويسه قدن :p

هو قديم اتوقع نزل بــ 2008 بس ريحته تعتبر متجدده وريحته على فواكة عمومآ هو يناسب فصل الخريف بما انه ريحته فواكة خريفيه :P ولا احد يسالني وش الفواكة الخريفيه هههههههههههه :$

عمومآ هو بارد وجميل ويناسب الخريف 

وتو انتبهت مكتوب من فوق كان ب 130 ريال وصار ب 65 ومن تحت مكتوب كان ب100 ريال من جد مصقوعين بقدر ْ~ْ وعلى فكرة فيه كولكشن معاه يعني بس ماعليه عرض بس فيكم تشترون منه عطر جسم وزبدة ولوشن ومدري وشو 

                         ♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

ثاني شيء هالشموع الجميلات فيه االوان بروايح ثانيه بس ماخشت مزاجي ابدن اغلبها روايحها علكة نوفا ْ~ْ

من شفتها انلحس مخي واحترت وش اشتري لان مرررة كثيرة وحاطينها بزي الفازات ومرة معبيه الدنيا = \ وبعد معركة دامت طويلاااا اشتريت هالثلاث حبات 

اول شيء ابقولكم شوفو انواعها هههههههههههه في هذا الرابط وراح تتخربطون فما بالكم بوحده خاشه كذا وماتدري وين الله حاطها ْ~ْ

http://www.bathandbodyworks.com/family/index.jsp?categoryId=11128744&cp=4090259.4090324.4090329.4432046&cm_sp=IM-_-Candles-_-Mini+Candles+

 هي كانت ب 10 ريال وصارت ب 3 ريال 

الروايح الثلاث لما شميتها ذكرتني بالكوفيات ستار بكس وجافا والطقه كلها ريحة موكا على كابتشينو وريحة الزبدة الحلووة لما نسوي بسبوسه وكذا <<< جوعانه ترى O_o

روايحها قووويه وفتاكه صراحه تفوح بطريقة مش طبيعيه ْ~ْ وانا متأكدة راح تحبونها كثير وراح تناسبكم كلكم بدون اي استثناء لان روايحها جدن كثثثثثثثثثثثيرة واكيد راح يعجبكم واحد ع الاقل انصحكم تشترونها :$~

                         ♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

                  كريم اليد بزهرة الكرز 

cherry blossom hand cream من اسمه فيه ريحة الكرز بس على خفيف جدااااااااااااا يرطب ترطيب كويس ينعم اليد بطريقة جدن حلوة وعجبني بس استعمله بالليل او لما اكون بالبيت مستحيل استعمله وانا طالعة علشان الشمس راح اول شيء تسمر جلدي وتغير الريحه للاسوء = \ فما احب روايح زي كذا بالشمس سعره ب 40 ريال قبل الخصم وبعد الخصم صار ب 12 ريال فيه انواع ثانيه بس هذا اللي عجبني :$~ وراح ارجع بعد اشتري منه بكرة :D اكتب وانا حاطه منه في يدي لوووووول 

                         ♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

                                 شاور جل 

حبيتها كثثثثثثثثثثير وروايحها حلوة مرة مرة ولو الود ودي شريت كل الشاور جل عندهم بس عندي من بوتس لسى ماخلصتهم ْ~ْ فاكتفيت بثلاثه سعرهم مكتوب من تحت 45 ريال بس من فوق مكتوب قبل الخصم 60 وبعد الخصم 30 ريال احس السالفه فيها إنآ ْ~ْ فيه انواع كثيررررررررره شوفو هالرابط

http://www.bathandbodyworks.com/family/index.jsp?categoryId=4191834&cm_sp=FO-_-Body+%26+Bath-_-Body+Wash+%26+Shower+Gel&cp=12586965.12587141

راح اتكلم عن اول واحد paris amour الجميل اللي على اليسار

آآآآممممممممم باختصار يحتوي على زبدة الشيا لتنعيم البشرة وفيه فيتامين E اللي يساعد في تغذيه وتنعيم البشرة فيه رغوة جميلة وريحته عطور باريسيه بالاضافة لريحه التفاح الهاديه جدن وريحه زهور هذا في التوب عندي :$ وعلى فكرة فيه مجموعه منه وكذا بس ماشفت عليها عرض بس الشاور جل :D

ثاني شاور جل sea island cotton 

فيه نفس اللي فوووق بس اختلاف الريحه ريحته بحريه جممممميلة احس كاني بجد في البحر :$~ وريحة قطنيه خفيفه بس حلوووة واشم فيه شوووووووي خفيف ريحة ياسمين :$~

آخر وآحد هو شاور جل من نفس العطر اللي فوووووق black amethyst اول واحد تكلمت عنه لما رجعت البيت تغيرت علي الريحه مادري ماقتنعت فيه لما رجعت انا ماحب ريحة خشب الصندل واحس هالريحه طاغيه عليه فيه ريحه فخامه واحس تناسب الرجال لووول بس راح استعمله وانتف امه بعد << مستحيل اخلي شيء انا دفعت فيه شيء الا اذا كان ضار علي هذا صورته 

والى هنا اكتفي صراحه سويت هالبوست وانا نعسانه وفيني نوم واقول كلام مدري كيف الله يستر لا يكون نسيت شيء راح اكمل لكم بكرة ان شاء الله عن باقي الاغراض اللي اشتريتها فواحات وعطور جسم وشموع ولوشنات جمييلة

                         ♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

ملاحظاتي السريعة :

وقفت الى هنا البوست لان طول الشيء يخليه ممل , وثاني شيء محسوبتكم تعبانه من امس مانمت وابنام يومين ْ~ْ , ثالث شيء اعذروني لو غلطت في كلمة او بلعت حرف اخرتنا اوادم :$ رابع شيء وكالعاده اللي يعجبني ممكن مايعجبكم والعكس فالناس اذواق :$~ خامس شيء كف يفلق جبهتي لووووووول امزح امزح خامس شيء انتبهو على انفسكم الله يحفظكم واحووووبكم :p

وشكرا لكل من دعمني ولو دعم بسيط الله يسعدكم