اليوم ابكلمكم عن اكثر شيء احنا لازم نعتني فيه طووول العمر وهي بشرتنا الجميلة
كلنا نعرف ان البشرة دايم تتفاعل وتتغير بكل شيء محيط فيها واهم شيء تتفاعل مع تغيير فصول السنه والتغييرات الجوية اللي تحصل ..
من الصيف للخريف هاذي مرحلة انتقالية من الشمس وزيادة حرارتها والجفاف الى خفتها وبرودة الجو وبسبب هالامور راح تصير في البشرة جفاف وتشققات اكثر من اي وقت قبل وراح يبان عليها التعب وكل شيء فهذا انسب وقت اننا نعتني ببشرتنا من الشمس والترسبات وكل شيء صار فيها = \ ونحضر البشرة لاستقبال اجواء الشتاء الباردة :$
راح اقولكم عن نقاط مهمه لازم نعرفها ونطبقها في فصل الخريف ويارب اكون افدتكم في هذا الموضوع وتحافظون على جمال بشرتكم وصحتها :
1- اول شيء نحتاج لترطيب اكثر حاولي تستخدمين كريمات مرطبة تحتوي على زبدة الشيا ( زبدة الشيا معروف عنها ترطب ترطيب جميل وتحافظ على نعومة البشرة وترطيبها ) او استخدمي مرطبات فيها زيوت طبيعيه ترطب ^^ واصحاب البشرات الجافة والعادية رطبو رطبو رطبوووو بشرتكم بزيادة واصحاب البشرات الدهنية استخدمو جل مرطب علشان مايكون فيه دهون وكذا .
2- اشربي مويه كثير كثير كثثثثثثثثثثثثثثثثثثثثثثثثثثثثثير اذا شربتي موية كثير هذا يعني انك ترطبين بشرتك من جووا وتخلص الجسم من السموم خلي معاك علبة مويه خذيها في اي مكان وبأي وقت اشربي مويه وكثري بعد منها .
3- تحتاجين تقشرين بشرتك معروف التقشير انه يخلصك من الجلد الميت وكذا :$ حاولي تقشرين مرة بالاسبوع او مرتين تخلي بشرتك نضرة وتخلي البشرة جاهزة تستقبل المرطبات وكذا .
4-مو علشان الشمس راح تخف خلاص مانستخدم واقي شمس لآآآآآآآآآآآآآآ حبيبتي :D تستخدمين واقي او اذا مرررة مرة استخدمي مرطب يحتوي على spf 15 وبعضهم يقولون spf30 وانا عن نفسي استخدم الاقوى علشان اضمن وكذا :D.
5- حاولي تاكلين فواكة وخضار كمان كثير وحاولي كمان تسوين منهم اقنعة طبيعية لك مررة مفيدة وان شاء الله في البوستات الجاية راح اسوي ريفيو عن اهم الخلطات الطبيعية :$.
6- حاولي تستخدمين مستحضرات عناية فيها فيتامين E .
7- سوي حمام بخار لبشرتك يفتح المسام ويخلصها من السموم وبعد حمام البخار اغسلي وجهك بمويه باردة علشان يسكر المسام :$وبعدها مرطب جميل .
8- غسلو بصابون خفيف مايكون فيه عطور ولا اشياء كيميائية لأنها راح تجفف البشرة فماراح تستفيدون شيء .
9- شفايفك لاترطبينها بلسانك هالحركة بطليهاااا :@ لأنها تسبب تشقق لها استخدمي مرطب شفايف طبيعي او مرطب فيه زبدة الكاكاو يرطب الشفايف ترطيب رهيب وخليه معاك في كل مكان واذا حسيتي بجفاف وتقشر حطي منه مايأخذ منك دقيقتين ^.^ .
هالنصايح الجميل حبيت افيدكم فيها وان شاء الله البوستات الجايه كلها راح اتكلم فيها عن الاستعدادات لفصل الخريف
1- العناية بجميع انواع البشرة بالتفصيل الممل علشان ارضي جميع البشرات :P
2- العناية بجميع انواع الشعر بالتفصيل المملك علشان ارضي جميع الشعور كمان هههههههههههه ^^
3- ايش الاشياء اللي ناكلها وكذا
4- المكياج المناسب والموضة الدارجة
5- موضة صبغات الشعر والقصات في خريف 2012
6- العناية بالجسم في الخريف
7- روتيني اليومي والاسبوعي للعناية ..
8- موضة الملابس وكذا ..
9- كل شيء متعلق بشيء اسمه خررررريف :D
راح اسوي هالبوستات بالترررررررررررررتيب وخليكم منورين مدونتي ..
في حفظ الله
ليست هناك تعليقات:
إرسال تعليق