علاج حبوب الوجه بطريقة سريعة

من كم اسبوع وانا افرفر بالمواقع ورحت لبنات جميلات في تويتر اسألهم عن حل للحبوب 
انا من النوع اللي فجأة بشرتي وش زينها ومرات مادري وش يصير فيها تنقلب ضدي وتصير كل ابوها حبوب وتحكني حك موب صاحي احس ودي اخذ مشط واحك فيه ههههههههههه :( سوري بس تذكرت الحك وكذا
الموهم كانت تجيني حبوب وماتروح واذا راحت بعد طلعت روح وخلطات تطول على بال ماتجيب نتيجة تجلس لها اثار بنيه وتقهررر وانا بشرتي دهنية مختلطة ومعروف ان اكثر البشرات عرضة للحبوب هي الدهنية :@ ااااااااه بس الله يصبرنا 
فحطت وفحطت وفحطت
واخيررررررررررررن لقيت الحل والله يشهد على كلامي حبوبي لها كم اسبوع وانا استعمل واحط واشد واسوي وافعل مافي فايدة
ومن استخدمت اللي راح اوريكم ماكملت ثلاث ايام الا وماباقي الا اثر لون جدا بسيط وبالكثير 5 ايام واختفى 
معاناتي من الحبوب انتهت طبعا بعضها انا ظليت استخدمها حتى بعد ماراحت الحبوب لأن زيما قلت انا وحده من الناس اللي حبوبهم فجائية تقهر :@

هالاشياء هي اللي استخدمتها 

سوري ع الصورة احس مو واضحه مرة لأنها من فوني :D

راح اعرفكم على اصدقاني الجدد :D اول واحد على اليمين 

1- غسول يومي سريع المفعول من كلين اند كلير اسمه غسول ادفانتاج مكتوب يساعد على ازالة الحبوب سريعاً

وتركيبتة من عناصر طبيعية خشب الارز وزيت القرفة والورد الطحلبي المعروفة بتأثيرها الفعال على الاحمرار وحجم الحبوب وكمان تركيبته تساعد على تقليل مستوى الدهون على البشرة .

كنت زمان استخدم غسول الرؤوس السوداء حق كلين اند كلير وكان خرطي ماغير هياط ع الفاضي فلما جيت اختار غسول لحبوبي الشينه :@ طاحت عيني على هذا الجميل اللي ويني عنه من زمااااااااان فقلت يالله دامه جديد ليه ما اجربه واشووف هل هم صادقين هالمرة ولا لا وبالفعل يالباااه :P

نعم لي بشرتي وقلل الدهون بشكل كبير وشات ابو اوم الحبوب كاتبين استخدامه مرة وحده باليوم بس انا كنت استخدمه مرتين باليوم صباح ومساء ماخفت على بشرتي لأنهم زيما قالو تركيبته طبيعيه ولي اسبوعين استخدمه ماصار شيء بالعكس بشرتي تتحسن بشكل كبير وريحته مو مكروة مررة لا جداً عادية .

سعرة بـ 31 ريال آخذته من بوتس بس اكيد حيكون ف اغلب الصيدليات 

2- صابون شفاف للوجه من نيتروجينا المربعه اللي فوق تركيبة للبشرة المعرضة لظهور حب الشباب هو تقريباً يسوي زي اللي الغسول اللي فوق .

تنظف تنظيف مش طبيعي مرة جميل وعجبني شخصياً وشات جد اوم الدهون ومكتوب مايسبب ظهور رؤوس سوداء .

كنت استخدمه 3 مرات باليوم وبالمناسبة اخر شيء راح اقولكم طريقتي في الاستعمال بالزبط ^_^

3- كريم فيوسيباكت ب

زيما تلاحظون مفعص ومصدوم من كل جهه والله يرحمه من كثر ما استخدمه هذا زمان عندي لما كنت اروح لدكتور جلدية زمان وصفة لي وعلى بلاطة زمان ماكنت اهتم ببشرتي علشان كذا مابان مفعوله معاي :D

التفت له وقلت ليه ما استخدمه طالعت في تاريخ الانتهاء طلع لااااا لسى باقي فقلت كويس ابستخدمه فيوسيباكت بي يستخدم لإزالة الحبوب ومو اي حبوب يزيل الحبوب العنيدة وحبوب الناس اللي تبغى سريع سريع ازالتها مين يحب الحبوب اصلن ْ~ْ

سعره مايزيد عن 15 ريال ماذكر سعره بس من زمان يعني وموجود بكل الصيدليات استخدمه مرة وحده باليوم ومفعولة زي مفعول فيوسيكورت اللي راح اتكلم عنه بس هو يزيد عنه انه يزيل الحبوب .

4- فيوسيكورت 

اذكر اني رحت لبنوتة جداً احبها يافديتها هذا تويتر حقها والبلوق

https://twitter.com/BeautyDeRosee

http://beautyderosee.blogspot.com/

وسألتها عن حل للحبوب فدلتني على هالكريم هو كريم فعال جداً جداً جداً وله تأثير قوي على حكة الجلد اللي تسببها الحبوب وانتفاخ الحبوب واحمرارها فأفادني كثير في موضوع الحكة والانتفاخ ربي يسعد قليبها حبيبتي انا 3> استخدامي له كان مرة وحده بس باليوم واخذته من صيدلية عادية ماذكر اسمها بس موجود بكل الصيدليات وسعره مايزيد عن 30 ريال ماذكر سعره للامانه 

5- كريم ديفرين 

هذا الكريم كريم عجيب رهيب احوووبه كثير يستخدم مرة وحده فقط قبل النوم ابقولكم عنه معلومات بسيطة هو كريم مقشر يعني يقشر الطبقات حقت الحبوب وهو كريم صراحه نتيجته تبان بسرعة وبقوة بس لو تستخدمين معاه مثل الكريمات اللي فوق ماينفع ينحط بالليل لوحده وتقولين بتروح الحبوب لا ماينفعشي كيده :s

فيه نوعين منه 0.1 و 0.3 انا عندي 0.1 كلهم نفس بعض بس الفرق ان 0.1 اقدم من 0.3 يعني 0.3 هو الاجدد بس ترى نفس كل شيء طبق اللي معاي يعني فيكم تاخذون اي واحد ماتفرق 

بعضهم يحطونه ساعه بس لكن انا كنت احطه قبل النوم وانام فيه 

في البدايه بيسبب وخز خفيف احيان مو كل مرة بس عادي اهم شيء تروح الحبوب واحيان كمان يسبب جفاف للبشرة بس اانا استخدم مرطب 

سعره ب 26 ريال ومتوفر بكل الصيدليات .

استخدامي للي فوق :$

اول شيء استخدم الغسول في الصباح بعدين احط فيوسيباكت بي على الحبوب فقط وفي العصر استخدم الصابون وبعدها احط فيوسيكورت وفي المساء استخدم الغسول وبعدين كريم ديفرين .

في ايام وجود الحبوب حاولي تعتنين اكثر ببشرتك وفيه نصايح جميلة ابكتبها وياليت تقرونها : ) 

1- نظفي تنظيف يومي لبشرتك عن طريق الغسول والصابون وتنظيف اسبوعي عن طريق التنظيف بالبخار .

2- اشربي عصير ليمون بالنعناع كثير وراح تشوفين فايدته ع البشرة مرة جميلة .

3- الغذاء ابعدي عن التشوكليت وكذا صح انها صعبه بس الشكوى لله ْ~ْ.

4- حاولي ماتتعرضين للشمس كثير واذا تعرضتي لها لازم تكونين حاطه واقي .

5- لما تكون طالعه لك حبوب ابتعدي عن المكياج وكذا .

6- حاولي تاكلين اشياء مفيدة فيها فيتامينات خصوصا فيتامين أ وغير كذا حبوب كبد الحوت مرة ممتازة انصح فيها مررة باليوم استخدمها وجميلة .

7- اشربي موية كثير لطرد السموم وترطيب الجلد من داخل .

تابعوني على تويتر 

https://twitter.com/xLOTYx

ويارب اكون افدتكم بتجربتي :$