الفاونديشن , كريم الاساس , Foundation cream

                   

مرحبآآ قآيز 3>3>

  تدوينتي مو جديدة وكثير بنات تكلمو عن هذا الموضوع بس انا كغيري من الصبايا اللي عندهم مدونات مكياج احب افيد وكذا وانقل تجاربي وتجارب ناس اعرفهم وثقة ^_^

اليوم راح اتكلم عن اهم شيء في الحياة زي المويه بالزبط ههههههههههه

الفاونديشن او كريم الاساس :$ آآآآآآآآآآه كم هو جميل

ومو عارفه كيف عاشو اللي قبل بدونه وكيف راح نكون بدونه :"( الحمدلله بس انه موجود

كثير مايعرفون الفاونديشن اختياره وانواعه وايش بالزبط يسوي

وبعض الناس تشتري الفاونديشن كانها تشتري بيبسي كذا ع الطاير ماتجرب ماتشوف مافي اي شيء :@

وتتفأجا بشكلها الوجه ابيضضضضض تقول مصقوعه بكيس طحين O_o والرقبة هاذي سوداها :@

هههههههههههههههههه ْ~ْ:

اببدأ اتكلم عن الفاونديشن ( كريم الاساس ) 

ايش هوا كريم الاساس ؟ 

كريم الاساس هو حاجة جميلة نحطها بعد مانحط البيس او البرايمر و بعد ما نهيأ البشرة لوضع المكياج  يعني اول شيء نهيأ البشرة وبعدين نحط البيس او البرايمر وبعدين كريم الاساس وينحط بالتساوي على الوجه كله هو يلعب دور في توحيد لون البشرة ويخفي بعض الخرابيط اللي في البشرة بس هاااااه مو كلها تختفي لا اللي خفيف مرة ماعتبر تغطيته فل كفر ْ~ْ وعلى حسب تغطية كريم الاساس قوية او خفيفة راح نتكلم فيه بس شوي وكمان يحمي البشرة من العوامل الخارجية رياح سموم ... إلخ

عن طريق يقفل المسامات بس هاااااااه تقفيلة المسامات اللي لمدة طويلة مو زين يعني لازم بعد ماتنتهي من كل شيء عزيمة او اي شيء تمسسسسسسسسسسسسسسسسسحي المكياج وتنظيفة تنظيف عميق اعمق شيء في الدنيا :@

لأن فيه اضرار كثيرة ااذا مامسحتي المكياج في البوستات الجاية نتطرق لها :*

وفيه بعضه يحتوي على فيتامينات و مواد ترطيب و مقاومات للتجاعيد و واقيه من الشمس

وبالنهاية نقدر نقول ان كريم الاساس بداية لكل شيء و اساس كل شيء ولازم يكون مناسب لبشرتك ولا لو ماناسبك ما كأنك سويتي شيء بالعكس اذا مازبط الاساس ماراح يزبط اي شيء = \

كريم الاساس انواع اول شيء راح اتكلم عن فيه انواعه

أ ) يا يكون صلب او سائل ( كريمي )

ويكون :

* كريم اساس كريمي

يناسب اغلب شيء اللي بشرتهم جافة او متقلبة يكون فيه ترطيب ويغطي تمام يجف بسرعه علشان كذا اللي عندها اساس كريمي لازم بسرعة توزعه وغطي العيوب كويس وانواعه جداً كثيرة الموهم يناسب اغلب البشرات .

* كريم اساس سائل ( او رغوي )

جميل لأغلب انواع البشرة وبالاخص العادية يغطي كوويس .

* كريم اساس بودرة او مضغوط

هذا الاساس يستخدمونه علشان يقللون من لمعان البشرة يعطي لووك مطفي هو اخف من الكريمي ويناسب اللي بشرتهم دهنية الى عادية بس انتبهو ماتناسب ابداً الجافة تخليها متقشرة وكذا .:*-*:.

* كريم اساس بخاخ او سبراي

يخلي المكياج يبقى اطول وحلو لتغطية الحبوب وغيرها اغلبهم يستخدمونه للجسم زي حق ديور وكذا يناسب البشرة الجافة وفيه انواع خاصة للدهنية و الحساسة ناعم ولامع ع البشرة .

* كريم اساس معجون آو موس

يغطي تغطية خفيفة ويناسب اكثر شيء اللي عندهم تجاعيد لانه يترسب ويدخل بالخطوط .

* كريم اساس رول او انبوب او ستيك stick او القلم

يناسب اللي تبغى شغل سريع سريع او طالعة مستعجلة وتغطيته ثقيلة تناسب اللي عندهم مشاكل جداً واضحه 

الحمدلله واخيرأ رتبتها ههههههه طبعا قبل ارتبها كنت اسولف سوالف كثيرة عنها بس اللحين قلتها لكم باختصار مرة علشان توصل المعلومة اسرع مثالي للبشرة الدهنية واللي يسكنون في اماكن رطوبة , يستخدمونه كمان للسهرات ويجي استخدامه كبيس او اساس او بدال الكونسيلر

حاطه الانواع في الصورة اللي تحت ^-^

ب) انواعه من حيث التغطية :

تبغين تغطيته قوية او خفيفة او متوسطة .

ج) انواعه على حسب انواع البشرة واختلافاتها وايش اللي يناسبها سواء كانت دهنية جافة عادية مختلطة حساسة .

د) انواعها حسب تركيبتها وايش تحتوي عليه ^-^ :

* فيه كريم اساس فيه سيليكون 

* كريم اساس يحتوي على مواد معدنية 

* كريم اساس مائي مضاد للتغير

* كريم اساس خالي من الزيوت ( oil free )

* كريم اساس مركب من الزيوت او مرطبات او فيتامينات او وقاية من الشمس يعني اشياء مفيدة .

* كريم اساس shakers

* كريم اساس كحولي

ترى موضوع الاساس طوووووووووووووووووووووووووووووووووووووووويل بشكل غير طبيعي واللي حابه تتعمق فيه اكثر من اللي شرحته انا تتفضل تسألني في التويتر لأن انا جالسة اعطي الموهم ورؤوس اقلام .

الموهم والاهم كيف تختارين الاساس اللي يناسبك وعلى اي اساس وليه تختارينه هو عن غيرة ؟

طريقة اختيار كريم الاساس خذي نفس لون بشرتك او افتح منها بدرجة وحححححححححدة بس :@ ومو تحطينه على وجهك وتشوفين نفسه تقولين خلاصصصصصص اوكي يلا هاتيه لا اصبري شوي خمس دقايق كذا علشان تشوفين يعطي نتيجة كويسه ولا لا 

كيف تجربينه ؟

تروحين طالع عمرك للمراية وحطي على هالمنطقة 

شفتيها O_o حطي تحت مو باعلى الخد يعني ع الفك بالزززبط 

وابدي ادمجي باصبعك واذا عجبتك تغطيتها اوكي واذا ماعجبتك اصبري شوي وزيدي وشوفي اذا ماغطت ولاااا شيء من اللي تبغينه يتغطى او تخففينه زحلقي امه ماينفع :D 

وخليك عند ضوء طبيعي مو حق المحلات الاصفر واللي يفقع العين شوفي في ماك عندهم مكان للاضاءة العادية في مملكة المرأة مرة ممتاز حبيته :* يعني خليك في مكان لمباته طبيعي مو الصفراء حقت المحلات .

اذا مالقيتي لاسمح الله اشتري اثنين الله يعينك واحد افتح من درجتك وواحد اغمق من بشرتك .

ولما تجين تجربين الاساس انتبهي تكونين حاطه قبله اساس نوع ثاني لانه مستحيل يعطيك النتيجة الصدقية ْ~ْ

لو كانت مافيك عيوب وبيضاء فاتحه اختاري درجات الوردي واذا كانت فيك عيوب وبشرتك لونها الطبيعي يعني بشرتها كذا مادري بس البشرة حقتنا مادري كيف اوصفها مو البياض الناصع :*-* اختاري درجات الاصفر .

عموما هو على حسب الاندر تون حقك .

( ملاحظة : الاندر تون راح اشرحه البوستات الجاية برضو )

وعلى فكرة بغيت انسى 

حبايب قلبي السمر واللي بشراتهم لونها غامق خذي اساس نفس لو درجتك او افتح بدرجة وحده بس من بشرتك . 

ارجع واقول بعد ماتعرفين الاندر تون حقك ايش تسوين ؟؟

مثلا بنوته لون بشرتها متوسط والاندر تون حقها خوخي لازم تشتري كريم اساس متوسط والاندر تون حقه خوخي .

وبعض البنات الله يهديهم لون الاندر تون حقها اصفر وتختار فاونديشن اندرتونه بينك على اساس تبغى تكون بيضاء ْ~ْ تجي بشرتها مرة غلط باهته ومشحبه احزن لاشفت كذا وربي :"(

صراحه حبيت احط في جدول نوع البشرة واش اللي يناسبها بس مازبطت معاية بس زيما قلت اي احد عنده استفسار يتفضل بالتويتر :$

الخطوة الجاية يارب تضبط معايه .:*-*:. ابتكلم عن انواع البشرات وايش الفاونديشن اللي ينفع لها :

- البشرة الجافة :

اختاري كريم اساس يحتوي على مرطب وفيتامين أ ورطبي قبل تحطين المكياج عموما واختاري اساس كريمي .

- البشرة الدهنية :

اختاري كريم اساس مكتوب فيه اويل فري oil free وقبل لاتحطين الاساس نظفي بشرتك زين بالحليب المنظف ولما تغسلينها غسليها بمويه دافية ولما تنظفين وتخلصين اخر شيء اشطفيها بموية باردة لتقفيل المسام وحطي بالاخير تونيك او موية ورد علشان تقفل المسام ولا تحطين كريم مرطب راح يرطبها اكثر ويعطيك لوك مادري كيف يخلي وجهك مزيت ْ~ْ 

لأن اللي بشراتهم دهنية :( مسامهم مفتوحه واسرع ناس تجيهم حبوب 

اللي بشرتهم دهنية او دهنية مختلطه ياليت ياخذون اساس مطفي او مات 

- البشرة العادية :

آآآآآآآه حظهم ماشاء الله تبارك الله ماايتكلفون باي شيء هههههههههه قلت ماشاء الله لاحد يقول طقيته عين O_o يناسبها كريم عادي . بس احيان البشرة العادية تميل لدهنية او للجافة على حسب الظروف طه لو مالت على جافة عامليها معاملة البشرة الجافة واذا دهنية عامليها دهنية .

- البشرة الحساسة :

خذي كريم اساس خاص ويكون صحي وفيه اشياء مفيدة وزينة مرطبات وفيتامينات وانصحك تفرين على كلينيك .

- البشرة الدهنية المختلطة :

مثلي فديتني هههههههههههه :( اخذ اساس اويل فري وخدودي الجافات طال عمرهم ارطبها هي فقط قبل المكياج .

ماركات كريمات الاساس :

- ريفلون 

color stay 

متوسطة , ثابت لساعات بس مو طول اليوم طبعا ^_^

 - برجوا healthy mix

ويقولون سليب ايفيكت مناسب للبشرة الجافة بس مادري والله .

تغطيه خفيفة 

هيلثي ميكس يتاسب الجافة والعادية اكثر تغطيته متوسطه .

- ريميل  lasting finish foundation 

- لوريال L’oreal – True Match Foundation

حلو للي بشرتهم كذا كانها محفرة وفيها خطوط عريضة .

- ماكس فاكتور تغطيتها خفيفة وبعضها متوسطه للبشرة الجافة 

- شانيل

فيتالوميير اكوا للبشره العادية 

مات لوميير دهنية

فلتالوميير جافة 

روعة aqualumiere يناسب كل انواع البشرة ويعطي لووك يهبل مرة وقبل تستخدمينه رجية سيم سيم عصير راني :D

اللي بشرتها دهنية تاخذ المات لوميير .

تغطية ممتازة chanel teint Innocence foundation

- Laura mercier oil-free foundation liquid للبشرة الدهنية 

- فور ايفر .

HD  للدهنية .

- كلارنس هيدرا كير تغطيته خفيفة .

Clarins Truly Matte Foundation   للدهنية

- بودي شوب صراحه يناسب بعض الناس بس انا ماشتري منه صراحه مستحيل اشتري منه اساس .

- كلارنس البشرة الجافة 

- كلينيك 

- ماك 

سليكت : مطفي للبشرة الدهنية والدهنية المختلطة .

فيكس : ثقيل مرة للبشرة الدهنية .

سكالبت : للعادية تغطيته متوسطة .

- لانكوم تغطيته ثقيلة .

IDOLE ULTRA للدهنية .

- ديور تغطيته ثقيلة 

dior nude .

- بوبي براون مرة جميل ويعطي لوك طبيعي للبشرة الدهنية والدهنية المختلطة .

- اس تي لوردر

دبل لوميير يغطي تغطية ثقيلة استخدامه للسهرات افضل 

للبشرة الدهنية او المختلطة .

- سماش بوكس هيلثي فكس .

تغطيته عاليه للمتقدمين في العمر .

- نارس فيه اساس جميل بس عيبه يجيك طلبيه وكذا اسمهnars sheer glow لاصحاب البشرة الدهنية او الدهنية مختلطة تغطيته روعه وزي بوبي براون كمان بس انا لما طلبته قبل كم شهر ما اخترت لوني صح لان كان بالنت وكذا بس لما جاني خلطته مع اساس برجوا وطلع روووعة .

- بينيفت

some kind of gorgeous

تغطيتها فل كفر يعطي ملمس روعة .

- ميبلين 

دريم موس مات للبشره الدهنية اللي مافيها عيوب تغطيته مو مرة :S مصنوعه من السيلكون والماء ومو بسرعه تروح عن البشرة .

دريم سموث موس للبشرة الجافة 

ملاحظات لازم تقرينها ياعسل :

- انتبهي تختارين كريم اساس على انه يغمقك او يفتحك لا هذا اكبر غلط ,, اختيار كريم الاساس على انه يغطي العيوب ويوحد وكذا .

- انتبهي تجربين كريم الاساس على يدك علشان تحددين لونك ,, لون يدك يختلف عن لون وجهك ويفضل انك تروحين المحلات النسائية دبنهامز وكذا يعني اماكن تقدرين تجربين فيها على وجهك او تطلبين ( تستر - عينة تجربينها ) .

- لو اخترتي كريم اساس افتح من بشرتك راح يخلي فيك بهتان ووجهك مغبر = \ وراح يطلع كل ابو عيوب بشرتك ونصاب مع احترامي الشديد اللي يقولك انه راح تفتح بشرتك لو اخذتي كريم اساس افتح .

- حاولي ماتستخدمين فاونديشن او كريم اساس بشكل يومي للدوام او كذا فيك تستغنين عنه وتستبدلينه ب بي بي كريم bb cream او تنتد موسترايزر .

- تتغير لون بشرة وجهك مع اختلاف المواسم الفصلية وانتي ماتدرين ترى :S يعني في الشتاء تفتح بدرجة او درجتين عن بشرتك قبل .

- كريم الاساس اللي فيه واقي او spf مو كافي انه يحميك من الشمس لازم واقي ياعسل :$

- اذا كنتي تعانين من مشاكل كثيرة لاتحاولين تستخدمين اساس كثير وتبذرين بوه :@ استخدمي كونسيلر .

- كريم الاساس بالنهار يختلف عن اساس الليل , اساس النهار المفروض خفيف ويفضل بي بي كريم او تنتد موسترايزر واساس الليل راح يكون متوسط الى ثقيل و فيه لمعه شوي مو مرة عاد .

- كريم الاساس المعدني هو افضل شيء ويناسب البشرات الحساسة ومرة مفيد .

- قبل المكياج اغسلي وجهك بالغسول حقك وجففيه عن طريق الطبطبة بدون ضغط .

- اللي لسى كتكوته وصغيره او بشرتها مافيها ولا شيء تستخدم اسنفجة الاساس بعد ماتحط فيها شوي مويه علشان تترطب وتعصرها كويسس وتاخذ شوي كريم اساس ماتدهنه في وجهها .

- اخر شيء تحطين فيه اساس الجبهه يعني تبدين من الدقن وتطلعين على فوق .

- رقبتك طال عمرك اذا اخذتي كريم اساس افتح منك بدرجة للي مالقيو نفس بشرتهم حطو على الرقبة بودرة تكون نفس لونك الطبيعي علشان مايكون فيه فرق .

- حطي بودرة على الاساس علشان يتثبت لمدة اطول .

- انتبهي تحطين كمية كبيرة من الاساس على وجهك كذا ماراح يكون طبيعي ابدا .

- لو كان اساسك ثقيل وزعيه باسفنجة .

- في الشتاء استخدمي اساس ثقيل شوي او متوسط وفي الصيف خفيف او لما يجي الصيف حطي شوي مويه ع الاساس الثقيل يجي وضعك اوكي هذا اذا كانت بشرتك دهنية لو كانت جافة او تميل للجفاف حطي مع الاساس مرطب يجي زي التنتد بس اثقل شوي , اختاري لون اساس اغمق بدرجتين لو كنتي في فصل الصيف وافتح بدرجة وحده لو كنتي في الشتاء ونفس لون بشرتك في باقي الايام . 

- لما تجين توزعين الاساس قبلها حطي نقط ع العيوب وبعدين ابدأي بالتوزيع من الدقن لفوق .

- صاحبه البشرة الدهنية او الدهنية المختلطة بشويش على بشرتك لما توزعين الاساس علشان ماتهيجين المسام :S وضروري تخلين معاك الاوراق اللي تتحكم بالزيوت او بخاخ مثبت المكياج .

- رجي علبه الاساس قبل استخدامها حتى تمتزج مكوناتها اكثر ^_^.

- الاساس حطوها في بالكم :

سايل - للبشرة الجافة

كريمي - مختلطة

مات او مضغوط - دهنية

- اللي عندها حبوب او عيوب واضحه تستخدم اساس مكتوب فيه ( cover fix او dermablend )

- لما تكون بشرتك دهنيه خذي اساس مكتوب فيه oil free - oil not used - oil control

- لما تكون بشرتك جافة خذي اساس مكتوب فيه hydrating - moisture rich 

- لما نشوف كلمة SPF يعني فيه واقي من الشمس بس زيما قلت الواقي اللي في الاساس مايكفي .

طريقة توزيع الفاونديشن :

ثلاث طرق :

اسفنجة - يدك طال عمرك - الفرشة 

- اليد :

مع الاساس السائل وتذوب الاساس بحرارة اليد الطبيعية هذا يساعد ع الدمج اكثر ومايخليك تتكلفين في الاساس كثير .

- اسفنجة ياتكون عادية او بيوتي بلندر

تستخدم للاساس السائل وتوزع الاساس عن طريق عمل حركة دائرية ع الوجه بس بعد ماتبللينها شوي بالمويه وتعصرينها .

على فكرة مو حلوة لانها تاخذ كمية اكثر من الاساس 

تستخدمين الاسفنجة اللي شكلها مثلث للاساس السائل

والكريمي او المضغوط اللي شكلها دائري .

يغطي تغطيه خفيفة 

- الفرشاة توزع كريم الاساس بشكل اقتصادي 

لما تكثرين اساس راح تخلي الوجه مخطط :S بس اذا طلع فيه خطوط طبطبي عليه براحة كفك .

وفيه فرش خاصه بالتوزيع ماراح اشرحها لان فيه بنات شارحينها

طه ابقولكم شيء 

الاساس بحر وطبعا مو معقولة اني اجرب كل اساسات العالم 

بس نقلت لكم تجربتي وتجارب ناس جدا ثقة .

وفوق هذا كله ممكن انتو تستخدمو اساسات وترتاحو عليها وكذا

وممكن الاساس اللي يناسبني مايناسبكم 

3> >>

وبالاخير اسفة لو ما وصلت المعلومات كاملة وكذا واللي عندها اي استفسار الله يحييها في تويتري :$

https://twitter.com/xLOTYx

اهتمو بانفسكم , الله يحفظكم :$